Hälfet mit ischers Deheimo süber z bhalto!

Am 18.09.21 finot schwitzwit der CLEAN-UP DAY statt. Öi wier welle mim Blauring ischers Besta derfir tüe, d Schwitz süber z bhalto. Zämmo mim Jugendverei Brigerbärg und alle Gschwistroti, Mamini, Papini und friwillige Hälfera rümme wier der Brigerbärg fa z oberscht bis z unersch üf.

Besammlo tiewer nisch am 08.45 z Ried-Brig vorum Volg. Fa da gähnd de verschidni Gruppjini durch ganz Tärmo und Ried-Brig. Am 12.00 chämmwer de alli ufom Schüelhüsplatz z Ried-Brig zämmo. Da gits de feini Grillade und epis z Tricho, wa fane Gmeinde Tärmo und Ried-Brig offeriert wird. Derna sind alli Hälfera entlah.

Wer Händsche deheimo het, cha die gäro mitnä. Wer keini het verchund ro vor Ort. Mit Tricho wärdont alli Hälfer versorgt. Z Gwand soll dum Wätter agipasst si.

Wier si um alli hälfundo Händ froh. Öi Familimitglieder, Freunda und Bekannti sind härzlich iglado mitzhälfo. Fer das wier ungfähr wisse, uf wie vil fa ew daswer chänne zello, mäldeder cha via Ahmäldeformular unina ah.

Wier fröie isch uf en lustige und erfolgriche Tag mit ew.